لا تسافر

لا تسافر

اذا عندك الي خاطر

لاتشمت بيّه الملامه

ولاتكتل بكَلبي ابتسامه

لاتسافر

لاتظن بعدك يَخِلي

كَلب ينبض

كَلب بالشوكَ والحُب

يغامر

أبد يفلان

ماحسّبت يوم نتفاركَ

ولا بيك آنه اقامر

وشلون اقامر !

والرهن مو كَلبي جان

الرهن انتَ وتسافر

لاتسافر

إلك مني أحله دعوه

وآني . . . من دعواتي خلصن

مابجيت

وكَمت اكابر

وحسبيتك ولفي تبقه

ولف صحوه . . ولف ليل

ويسامر

لا حبيبي . . . لاتسافر

أشواكَي وانتَ يمي

تنتعش بيهه الورود

وبعد هجرك يالوليف

تحتركَ باللحظه

وتهاجر

لا تسافر

****************