باجر عيد

وزغاريد الطيور ايفرن الدولاب
وعيون الاحبه اتراقب من ابعيد
تتناشد الوادم وبكلبهه الخوف
تتنطر ابشاره وكلهه رفعت ايد
ومهامس حجيهه وناس تردم ناس
وجفوف القهر ماترضه عنه اتحيد
باجر عيد ...؟
اظل ارسم صور للفرح والاحزان
تواسيني الدموع ونار كلبي اتزيد
لعيون الشمس نحلم نصير ارموش
وباب الحلم وكفنه جرح امجيد
باجر عيد ...؟
ياعيد اللفانه ومالكانه ابضيم ؟
حصتنه الهظم غيرهشنريد انصيد؟؟
يدروب الزغار الفرح اذكر بيج
وبيج اذكر الملكه والمواعيد
وديلاب الهوه وذيج المراجيح
وزغارج بلابل حلوة التغريد